2026 йилдан маҳаллаларда нималар ўзгаради?

Ўзбекистонда 2026 йил “Маҳаллани ривожлантириш ва жамиятни юксалтириш йили” деб эълон қилинди. Президент Шавкат Мирзиёевнинг мурожаатномасида айтилишича, янги йилдан бошлаб маҳаллаларда кенг кўламли янгиланиш ишлари бошланади.

✔️ 9 мингдан ортиқ маҳаллада инфратузилмани тубдан яхшилаш режалаштирилган

Йўллар таъмирланади.
Ичимлик суви яхшиланади.
Электр таъминоти барқарорлаштирилади.
Транспорт қатнови кенгайтирилади.
Боғчалар ва мактаблар таъмирланади.
Оилавий поликлиникалар янгиланади.
Яшил ҳудудлар ва боғлар барпо этилади.
Комплекс ёндашув жорий этилади

✔️Ҳар бир вилоятда 2–3 тадан туман танлаб олинади.

Бу туманлардаги барча маҳаллалар тўлиқ қайта қурилади.
Муаммолар бир вақтда ҳал этилади.
Тадбиркорлик инфратузилмаси ривожлантирилади.
Бу мақсадларга 8,5 трлн сўм ажратилади.

✔️Депутатлар орқали маҳаллалар ободонлаштирилади

Ҳар бир округга 500 млрд сўм берилади.
Ҳар бир депутат ташаббусига қўшимча 330 млн сўмдан ажратилади.
“Яшил ҳудуд” ва “яшил боғ”лар яратилади.

✔️Туман бюджетлари икки баробар оширилади

2026 йил 1 январдан туман бюджетлари мустақиллаштирилади.
ҚҚС тушумининг Тошкентда 5 фоизи, қолган ҳудудларда 20 фоизи маҳаллий ҳудудларда қолдирилади.
Бу маблағнинг ярми туман бюджетларига ўтказилади.
Даромадлар режадан ортиқ тушган қисмининг 50 фоизи туман бюджетларига берилади.
Ер ижараси ва бозорлардан тушган тушумлар ҳам туманларда қолади.
Вилоят ва туман ҳокимларига ортиқча штатларни қисқартириш ва тежалган маблағни маҳаллий муаммоларга йўналтиришга рухсат берилади.
Бу орқали туман бюджетларида 5 трлн сўмлик қўшимча манба шаклланади.
Ушбу маблағ маҳаллалар инфратузилмасини яхшилашга сарфланади.

✔️Маҳаллаларга қўшимча 20 трлн сўм

2026 йилда илк бор маҳалла инфратузилмасини ривожлантириш учун 20 трлн сўм тўғридан-тўғри вилоятларга берилади.
Бу маблағлар иш ўринлари яратадиган, аҳолини даромадли қиладиган аниқ лойиҳаларга йўналтирилади.
Бюджет маблағлари лойиҳа асосида сарфланади.

✔️“Маҳаллада саноат ва хизмат” — янги иш ўринлари ваъда қилинмоқда

2026 йилда:
10 мингдан ортиқ ишлаб чиқариш ва хизмат лойиҳалари ишга туширилади
Бунга 5 трлн сўм кредит ажратилади
Кредит фоизининг миллий валютада 10%, хорижий валютада 4% қисми қоплаб берилади
100 мингта янги иш ўрни яратилади
Ҳар бир маҳаллада 40 та микро лойиҳа амалга оширилади.
360 минг аҳолини ишли қилиш учун маҳалла банкирлари ва ҳоким ёрдамчиларига 7,5 трлн сўм ресурс ажратилади.

✔️Спорт ва китобхонликка 1 трлн сўм

Янги йилда:
аҳолини, айниқса хотин-қизларни спортга жалб қилиш учун
маҳаллаларда спорт инфратузилмаси яратишга
1 трлн сўм йўналтирилади.
Шунингдек, маҳалла ёшларининг китобхонлигини ошириш учун
мактаб кутубхоналари ҳар йили 10 млн дона бадиий китоб билан таъминланади.

MANBA: https://uzdiplomat.uz/